بعدما نعته.. حفيدة الشيخ مرهج شاهين: "جدّي عايش"!

بعدما نعته في الخامس عشر من تموز الجاري، أعلنت حفيدة الشيخ مرهج شاهين، رجل الدين الدرزي الذي نال تعاطف الآلاف بعد حلق شاربه من قبل مسلحين في السويداء، أعلنت حفيدته كريستين شاهين إنه على قيد الحياة.

وكتبت شاهين في منشور لها عبر «فيسبوك» اليوم الخميس: «ياناصر الستة ع الستين ! جدي عايش».

وبعد هجوم عليها لنشرها المعلومة الخاطئة، كتبت شاهين: «نحنا مش مدينون باعتذار لحدا ! انتو اللي لازم تعتذرو مني ومن بيي واهلي وعيلتي وضيعتي كلها ! انتو اللي لعبتوا بأعصابنا انتو اللي فتو وهنتونا ببيوتنا انتو اللي حللتو دمنا».

وكانت شاهين قد نعت الشيخ مرهج، كاتبة: «جدي استشهد. شيخ طاهر، أبيض الذقن، عمره ما انمدت إيدو على حدا، ولا اتسكر بابه بوش محتاج. جدي يلي كانت الناس تفوت على بيته متل ما بتفوت على بيوت أهلها. جدي يلي رَبّى وما خان، يلي صلّى وما ظلم».

وأضافت: «فاتوا عليه كلاب الجولاني، حلقوله شواربه قبل ما يقتلوه… لأنو ضلّ واقف. لأنو ما سلّم بيته. لأنو ناطر يدفن حفيده قبل ما يفلّ. بس ما عرفوا إنو الشرف ما بينحني، وإنو الشيخ إذا وقع… بيوقع واقف، وبينكتب اسمو شهيد… مش ضحية. دمّ جدي برقبتكن. ولكل ساكت… سكوتك صار شراكة بالجريمة».